Tuesday, April 6, 2010

سيدي الوزير


سيدي الوزير

انحني لحضرتك احتراماً كما لم افعل لمسئول من قبل


تفاءلت بداية بقدومك..


لمعاناتي مع اتنين من الوزراء

 

ولم اعتقد بوجود الاسوأ


واتخذتك قدوة حينما تكلمت قائلا


 نحن نحسن النية حتى يثبت العكس


قالوا انك زي غيرك وهتوقعنا ونضيع اكتر


بس مصدقتش 

فنحن


لن نسقط أبداً لأننا وصلنا إلى  القاع


بدأت بتفكير إيجابي ومهاجمات عديدة


وهذا هو المطلوب


فالتعليم يحتاج لإعادة ترميم وبناء من جديد


غيّر واحنا معاك عشان نبقى احسن....احسن بكتير


وبرغم وجود الضحايا..فأنا رضيت بكوني ضحية


لأجل مستقبل افضل


ولأي حد هيهاجم حضرتك هسأله



لو كنت مكانه كنت عملت ايه؟؟؟


رسالة جدية من طالبة مصرية


شكلها مش هتبقى مقهورة



_______


عدت من جديد..اعتذر عن الغياب


ومعايا خبرين و واحد اهم م الاتنين ..


الخبر الأول.. حصلت على المركز الأول

في مسابقة الطالبة المثالية على الإدارة

وهي مسابقة بنتسأل فيها عن

معلومات عامة ،أحداث جارية،

القرار الوزاري ،المواهب والتفوق


(شكرا لميس ميرفت وآلاء

أنا دخلتها واجتهدت عشانكوا بس )


وطبعا مش هقولكوا اني كسبت بسبب اني رغاية جدا..

وكانوا بيسكتوني بالعافية عشان يكملوا..بس ابداااااا

بتحلم يا حلمي



الخبر الثاني..

امتحنت الامتحان التجربة هيهيههههيييييييهي واخدنا الدرجات

والغريب اني مش هدخل دور تاني ومسقطتش ف الكيميا 

^_^



اما الخبر الاهم اللي سبته ف الاخر


انا


 

يعني انا


 

اللي هوا موااااا


اللي بكتب الكلام ده



 اطردت م الفصل لأول مرة ف حياتي عشان نسيت كتاب العربي 


وشعرت بالاحساس الاروع على الاطلاق...هييييييه انا عاوزة اتطرد تاني

...




33 comments:

فراشة said...

طالبة مقهورة

والله مش عارفه انا جيت هنا قبل كدا ولا ايه معلش بنسى بسرعه :)
بس مدونة جميلة

انا اكيد معرفش الوزير دا هيعمل ايه وعارفه ان من كتير الوزرا اللى جم وبوظوا الدنيا مبقاش عندكم ثقه فيهم خلاص
ولكن دائما يبقى الأمل والظن السن موجود الى ان يثبت العكس
ويارب يصلح من حال التعليم على ايديه يااااااارب

مبارك عليكي الطالبة المثالية ياقمر
وان شاء الله ف الامتحان الحقيقي تجيبي :)99.9

هو الطرد ممتع كدا ..مش فاكره اني انطرد بس باين انطردت برضه عشان بتكلم او نسيت الواجب عندنا كانوا بيضربونا :(

تحياتي ليكي يا عسولة

A32L MaGNoNa said...

تصدقي يا رودي " واسمحيلي ادلعك :d "
انا الي حدا ما متفائلة بالراجل دا
حاسة ان عنده نشاط وحزم مكنش موجود عند حد قبله
يالا ربنا يهدي ويتصلح التعليم شوية
وان شاء الله مش هتبقي مقهورة تاني ابدا

مبروك الطالبة المثالية ياقمراية ويــــــــــارب دايما في تفوق وتقدم في كل حياتك

ومبرووووووك النجاح ف الامتحان التجريبي عقبال الامتحانات النهائية يارب

ويااااااه اتطردتي ؟

اول مرة تجربي الطرد

بيني وبينك ومتقوليش لحد
وانا ف 2 ثانوي اتطردت اول مرة ف حياتي
فرحت
طول 2 و3 بقيت بنسي حاجات وبدخل الحصص متأخر وبعمل شغب عشان اتطرد :D
احساس ممتع :D :D

عودآ حميدا يا قمراية ..
تقبلي مــروري

ليله شتاء said...

السلام عليكم
انا معاكى جداا فى رايك فى الوزير بس ياخساره خلصت تعليم
مبروووووووووك على الطالبه المثاليه وعلى النجاح فى امتحانات التجربه عجبانى فكره امتحانات التجربه اوى اوى
انا جربت مره الطرد من الفصل تصدقى أحساس حلو أوى أنك مطروده هههههههههه
دمتى بخير

اقدم عاصمه فى الحب said...

السلام عليكم

سيدى الوزير....؟
يا ريته يشوف البوست ده وهو لمجرد كتابتك هيجتهد ويشد حيله حبتين
عارفه انا لما يبقى عندى اولاد فى المدرسه وكان فيه وزير تعليم بالشكل اللى فات ده مش هدخلهم المدرسه وهعملهم انا المدرسه كلها واكيد هعلمهم احسن
لمستى موضوع كويس اوى فى البوست ده
وبالنسبه لنجاحك فمبرووووووك كتييييير
واكيد انا وشى اللى حلو عليكى لانى اول مره ادخل هنا اشوفك ناجحه
صدفه جميله
وطالما انتى سعيده انك انطردتى من الفصل يا رب تتفصلى كل يوم ههههههه
بعد الشر طبعا
.
اسعدنى المرور من هنا
فتقبلينى زائر خفيف
ودى واحترامى :)

بــــ الخطاب ــن said...

يااااااااااه كل ده فى التعليم ولسه بتطردى لأول مرة فى حياتك
أمال بس محسسانا أنك فاشلة ليه

طالبة مقهورة ..درجة أولى said...

فراشة..

ولا يهمك مش انتي لوحدك اللي بتنسي انا مصنع نسيان يا بونيتي

متشكرة جدا لزوقك

ياااااارب يااااارب حال التعليم ينصلح
وزمان انتوا كنتوا طيبين وعلى نياتكوا فكانوا بيستغلوكم ^_^

نورتيني جدا

طالبة مقهورة ..درجة أولى said...

اعقل مجنونة

اتفضلي براحتك الاسم اسمك ^_^

وانا كمان متفائلة زيك كده
والامتحان التجريبي مقدور عليه فعلا بس الامتحان التاني هوا المصيبة الكبيرة..ربنا يستر

ههههههههههههه متخافيش محدش هيعرف غير بتوع بلوجر كلهم بس ^_^
وانا قررت اني ابلطج واروح المدرسة متأخر عشان يطردوني برضه

ميرسي يا قمراية

طالبة مقهورة ..درجة أولى said...

ليلة شتاء..

اها عجبتني جدا برغم انها لخبطت كل الخطط بتاعت المذاكرة لكن لمت المنهج كله

اها مصدقاكي الطرد شيء رائع ^_^

طالبة مقهورة ..درجة أولى said...

اقدم عاصمة في الحب..

مش مهم يقرأ الكلام ده
انا مش كل يوم بقول الكلام ده عشان حد
بس فعلا انا احترمه وبدون ما هو يعرف
احساس صادق وخالي من النفاق ع الاقل

نورت وفعلا وشك جميل عليا
شكرا جدا

طالبة مقهورة ..درجة أولى said...

بن الخطاب

هههههههههههههه مش اوي يعني..بحس بالفشل بالنسبة للناس التانين..انا من جوايا حاسة اني عندي قدرات فبالتالي انا فاشلة وفاشلة كبيرة عشان مبعرفش استغلها..

وخلاص بقى كلها يومين واتعوةد ع الطرد انا نويتها

إمرأه من ثلج said...

مبروك 3مبروك على الجايزة والنجاح والطرد احلى احساس والله

إمرأه من ثلج said...

مبروك 3مبروك على الجايزة والنجاح والطرد احلى احساس والله

عاوز اصحي said...

لا خليكي مقهوره دلوقتي متعرفيش الزمن مخبيلك ايه
مدير المرور بتاعنا في اول ما مسك المحافظه ظبط المرور وكله تمام وبعدها بشويه رجعت ريما لقعدتها القديمه

فمبقتش حاجه مضمونه اليومين دول

ومبروك يا ستي علي الطالبة المثالية
ادوكي جايزه ايه بقي .... قلمين وكراسة؟

وازاي بقي تبقي طالبة مثالية وتنطردي ..هه؟ دي شكلها واسطه وكوسه

عاوز اصحي said...

وكمان حاطه موديرشن دا انا معملتهاش

طالبة مقهورة ..درجة أولى said...

امرأة من ثلج

عليا ب 4 الله يبارك فيكي ^_^


مش عارفة هوا ممكن يكون شو ولا لأ بس حتى ثبات العكس انا معجبة بيه جدا

وطبعا الطرد احساس متميز :)

طالبة مقهورة ..درجة أولى said...

عاوز اصحى

منبه كيفك بس :)

طبعا طبعا ده مبدأ يا منبه وبعدين القهر ده نعمة من عند ربنا..اقولها لأ يعني

اها بس خليني احلم شوية بإن التعليم هينصلح حاله ع الاقل يبقى ليا نفس اكتب..

واتصور لحد دلوقتي مخدتش جايزة..شكلي هيتضحك عليا كويس انك فكرتني

اما بالنسبة لفكرة الطالبة المثالية والطرد معاً..فهذا هو التميز..متعددة المواهب انا بطرد وبفوز ف نفس ذات الوقت ^_^

وبعدين انا مش بعمل موديريشن..معرفش البتاع اللي انت بتقول عليه ده

ازعجتنا يا استاذ مونبه
ويلكم

داليــــــــــــــــــا said...

ازيك يارضوى

بالنسبه للسيد الوزير انا شفت له بعض اللقطات على التى فى بس تجنن
قايم بالواجب وزياده شويه
وربنا يصلح الحال

الف الف مبروك ع الطالبه المثاليه

بالنسبه لانك نسيتى الكتاب
تعرفى وانا فى متل عمرك كنت ملتزمه ومكنش بيحصلى حاجه
ولما قليت من الالتزام وجربت زيك كده
مش عارفه ليه حسيت بالمتعه

تحياتى الكبيره

إبتسامة ملاك said...

هههههههههههههه

ازيك ياقمر ايه الجمال دا كله يا جميله انتى

الله عليكى انا حساكى بريئة اووى
ربك كريم
وان شاء الله ربنا يكرمك وتنولى مراتب الشرف ياقمر

ان شاء الله هتبعك على طول
تحياتى ليك

صمت المشاعر said...

مدونتك جميله جدا الصراحه

لن نسقط أبداً لأننا وصلنا إلى القاع

عجبتني اوي جملتك دي احنا فعلا لن نسقط لاننا بقينا تحت القاع بشويه

ربنا يوفقك يارب في دراستك ومبروك علي نجاحك

اما بالنسبه للطرد من الفصل انا جربته مره هههههههههه علشان الكتاب بردوه بس بيبقي احساس لذيذ الحقيقه ههههههه

Timo.. said...

بجد حلو احساس الطرد ده...حاجة كده متميزة... :)
لا بجد ضحكتيني قوي بالحكاية دي..بس سؤال بريء..هو لسه فيه طرد في المدارس..؟؟
اصل انا بعيد عن التعليم بقالي كتييييييييييييييييير قوي (';')

وفي النهاية احب اهنيكي على النجاحات اللي حققتيها وانت مش سقطتي في امتحان الكيمياء واحب كمان اقولك انك طالبة (عسل) مش مقهورة :( :D

AhMeD RaDy said...

اولا نورتينى

ثانيا الف الف مبروك علىانجزاتك الشخصية ومنها طبعا والاهم الاانجاز الثالث الفشل الرائع

ثالثا بقى ..

الوزير شكله شادد حيله شوية وفعلا هيبقى فى ضحايا بس ياريت بس الناس بقى تصحصح وتفوق وحال التعليم ينصلح فعلا لانى التعليم هو الركيزة الى ممكن بها نتقدم ونعدى الحال السئ اللى احنا فيه دا

مصعب صلاح said...

السلام عليكم
معكم أخوكم مصعب
منطلاب الثانوية العامية عفوا العامة
أنا رأيي ان التعليم محتاج إعادة بناء مش ترميم والبناء يبدأ من القاع يعني من الابتدائي
مبروك عليكي الطالبة المثالية
---
بالنسبة للطرد أنا الحمد لله فارض سطوتي ع المدرسين ولما بيحتاجوا يطرودوني بكون انا بقت ومشيت من نفسي
مفيش احين من اللف ف المدرسة وانك تسيب الحصص

طالبة مقهورة ..درجة أولى said...

داليا

نورتي يا عسلاية

وانا برضه طول حياتي مطيعة حسيت اني عاوزة اتمرد بقى كفاية كده :)

طالبة مقهورة ..درجة أولى said...

ابتسامة ملاك


لا استطيع الجزم اني بريئة ديه^_^
لسه كانوا بيقولولي انتي مشكلة
ارسولكوا على حل بقى

تنوريتي في اي وقت

طالبة مقهورة ..درجة أولى said...

صمت المشاعر

اهااااااا احساس متميز

نورتيني يا جميل

طالبة مقهورة ..درجة أولى said...

تيمو..


اه طبعا حاجة سبيشيال..كله احترام احترام مفيش طرد ابدا كده

اها لسه نظام الطرد ف المدارس..ده زي الاحتراف ف الكورة كده بالظبط ميختلفش كتير

ومكيرسي جدا ليك انت اللي سكروز والله

طالبة مقهورة ..درجة أولى said...

أحمد راضي

ميرسي ليك جدا..
وفعلا هوا شادد حيله يارب يفضل كده ع طول

نورتني جدا

طالبة مقهورة ..درجة أولى said...

مصعب صلاح

يااااه في ثانوية عامية زيي معلش معلش كله بيعدي

تعرف عمري ما جربت الف ديه قبل كده..يعني عملتها مرة واحدة بس في مهمة رسمية لتفقد الرعية لأني امينة المدرسة..

شكرا جدا نورتني

حصان المرجيحة said...

اولا الف مبرووووووووووك علي المركز الاول
ثانيا خلينا نحكم علي الراجل بعد فترة اكبر من كده
علي الاقل يكون في عهدة اتحطت مناهج جديدة و غيروووووووو
و بكرة تقولي فين ايام الدراسة
هههههههههههه

مجرد بنت said...

حبيبتى
انتى لسه فى المدرسة
ربنا يعينك
ام عن راى فى الوزير
يارب يطلع فعلا زى ما احنا متوقعينه
مش مجرد حلاوة روح

ومبروك عليكى الطالبة المثالية وياااااااااااااااااارب دايما
واتطردتى
كويس
احاس مختلف ((( وش مندهش

طالبة مقهورة ..درجة أولى said...

حصان المرجيحة

ما انا عارفة بس مبدئيا هوا كويس حتى الان
ومش عامل البروباجاندا بتاعت الوزرا اللي بتبقى ف الاول

ربنا يسهل كده شوية كمان..

:) نورت

طالبة مقهورة ..درجة أولى said...

مجرد بنت

شكرا جدا لمرورك لأول مرة:)

نورتي

Sam Sh said...

رودي
إزيك ؟
أحمد زكي بدر شكله محترم و عاوز يغير الدنيا بجد بس ياترى هتتغير للأسوأ ولا للأحسن ؟؟
---------------
مبروك عليكي الطالبة المثاليه .. يارب دايما ناجحة في كل حياتك :)
---------------

فرحانة إنك إتطردتي من الفصل :)
بجد بتفكريني بنفسي فعلا .. كان ده إحساسي برضه أول مرة أتطرد من الفصل .. بس الكلام ده من زمااااااااااااان .. من حوالي 9 سنين تقريبا بس لسة فاكره كأنه كان إمبارح
:)