Sunday, March 7, 2010

اللي بيكدب بيروح مارينا


منذ نعومة أظافري وأنا أكره تلك المادة المسماة جغرافيا كره العمى

ولكن لغرابة الوضع

ولا اعلم كيف ومتى وأين حدث هذا ..


كانت من المواد القلائل اللي بجيب فيها الدرجات النهائية..



ومؤخراً اكتشفت أنني كنت اكذب اكتر من مسيلمة الكداب

في الامتحان..



فبرغم اني لم اذاكر ولا فتحت كتاب إلا اني حصلت على الخلاصة..

فبمجرد رؤية كلمة معينة استدل على الاجابة ببديهية وبساطة



يعني بمجرد ما الاقي كلمة القطن

أكر الاجابة المحفوظة عن ظهر قلب..


قطن مصر من أجود أنواع القطن في العالم

ويتميز بأنه طويل التيلة..فول ستوب



وتكرر الامر العديد من المرات فعندما كنت اجد كلمة قمح..


قمح مصر من افضل انواع القمح

ومصر أولى الدول المصدرة له...




أما جو مصر يا سلام عليه ..

حار جاف صيفاً لطيف معتدل شتاءاً.



أما في الواقع وعند النظر للموقف من موقعي هذا

بعد ما بطلت الجغرافيا زي ما شعبولا بطل السجاير


فأنا لا استحق الدرجات النهائية بل استحق وسام مارلين في الكذب..

لأن ببساطة كل ما كتبته كذب


*فقطن مصر اصبح قصير التيلة أو بالاحرى معندوش تيلة ...


*اصبحنا من أوائل الدول المستوردة للقمح

بعد ما كنا بنصدره لروما ومنغنغينها


(وده بغض النظر عن القمح المسرطن

فده مجرد اجتهاد خارج المنهج و معاه طابور العيش والانابيب..)



ولأننا مش عاوزين نضرب السياحة فنظل نردد ان جونا ممتاز

وقد صار في الواقع


*مولع نار صيفاً متلج مكهرب شتاءاً..



لا اعلم لماذا يصرون على تدريس الكذب

ومناهج عقيمة واحصائيات من عام 2000 قبل الميلاد؟؟!


ويرجعوا يقولولنا اللي بيكدب بيروح فيييييين..!!

ويرد ابن عم عبده البواب بكل براءة ويقول..


اللي بيكدب بيروح ماريناااااااا



وأحمد الله انهم لم يعيدوا تصحيح امتحاناتي من رابعة ابتدائي

وإلا لوجدت نفسي لسه بعيد في KG 2


. . . .

37 comments:

امل الاسلام said...

انا اول تعليق ايه الحظ النار ده
صدقت يا رودى والله قبل ماخلص قراءة الموضوع كنت هارد اقولك احنا بقينا شحاتين
بس كويس انى كملت
اصلهم فاكرين ان هم كده بيعلمونا انه تعليم ده
_انا حطيت موضوع جديد يبقى شرفينا

عاوز اصحي said...

معتز الدمرداش لو تعرفيه بتاع قناه المحور كان مستضيف شباب كل واحد كان بتكلم عن اللي المفروض البلد تعمله علشان تتطور
منهم واحد اسمه احمد الدريني حكى قصه جميله اوي
القصه دي بتقول ان في مخرج كان ماشي عادي فصدمته شاحنه علي اثرها راح المستشفي وقعد فتره في المستشفي
في الفتره دي كتب قصه الحادثه بتاعته ورفعها علي الموقع بتاع وطلب اللي ينزل القصه بتاعه يدفع دولار واحد
الراجل دا في خلال شهر بقي مليونير
اول ما طلع من المستشفى راح مشتري العربيه اللي خبطته وحرقها في ميدان عام

احنا ليه منعملش كدا نجيب الكتب اللي موديانا ورا دي ونحرقها بجاز

يارب يحصل التغيير بس

علي جمب
علي فكره الاستماره بتتملي من علي النت وكان اخر ميعاد يوم الاحد تأكدي من الموضوع

تحياتى المدرسيه

momken said...

ياستى ولا يهمك كلمنا ذلك الكذاب

دانا يا ما فكيت نفسى باكذيب فى ورقات الاجابه

البوست دمه زى العسل

تحياتى

MeGltNa 3mr Wa2el said...

s7 ya roka

بــــ الخطاب ــن said...
This comment has been removed by the author.
بــــ الخطاب ــن said...

انا هاقدم شكوى لوزير التربية والتعليم وهاستدل فيها بالبوست ده علشان نعرف هاتعملى لو رجعتى كى جى 2

أحمد .. لو مخانتنيش الذاكره said...

ههههههههههههههههه

الحقيقه يا أختي .. اللي يكذب و اللي يسرق و اللي ينهب و اللي يعمل أغنية هابطه أو فيلم زباله .. كلهم بيتقابلو في مارينا

مارينا .. ملتقى العظماء .. انما عظماء في ايييييييييييه ؟

مش هقول

و يا ستي .. حد يزعل من التعليم المصري برده ؟ .. اخص عليكي وحشه .. ده من أفضل الأنظمة التعليميه على الكوكب .. عشان كل الأنظمة بتملئ عقول الطلبه بمعلومات و كلام فارغ .. انما عندنا .. الواحد زي ما بيدخل الكي جي زي ما بيطلع من الكليه

العقل أبيض يا ورد ... حلو يا بطيخ

ههههههههههههه

أعذريني اني جيت من غير دعوه و اني طولت في التعليق .. بس اسم مدونتك شدني و لما دخلت استمتعت بجد بقراءة يومياتك

و يا ريت تشرفيني انتي كمان هنا

http://ahmedabdulmohsin.blogspot.com/2010/01/blog-post_25.html

شكرا لوقتك

داليا said...

ههههههههههههههههههههه
عسل يارضوى
ازيك عامله ايه
دانتى شاربه وساكته بقه
بوست جامد ولذيذ
وربنا يبعدنا عن مارينا
والا فى مارينا
تحياتى الكبيره

Tamer Nabil said...

ههههههههه

عندك حق الكداب عندنا بيروح مارينا

ربنا يوفقك ويكرمك

مع خالص تحياتى

Timo.. said...

عارفة بحب اجي هنا ليه يا رضوى..؟
عشان باحس اني رجعت ادرس تاني واعيش مشاعر الطالب..مع اختلاف انه ما كانش فيه تدوين ايامنا..البركة فيكوا انتوا بقى تحكوا لنا على التعليم واللي بيحصل فيه..
على فكرة ما شاء الله عقلك متفتح جدا وبيعجبني وصفك لنفسك ومبروك عليك الوسام اللي ها تاخدية في الكذب :)

حصان المرجيحة said...

ههههههههههههههه
فكرتيني بايام زمااان
بجد بوست زي السكر

طالبة مقهورة ..درجة أولى said...

أمل الاسلام

اهلا ب يومي الجيل الصاعد ^_^
هههههههههههههههه
ههههههههههه
ههههههههههههه
ده صاعد جبل المقطم ..شحاتين يا مريم حرام عليكي

طيب قولي مثلا بياعين لب وسوداني وفول حراتي

هما عارفين ان ده غلط بس مش عارفين يعدلوا حاجة

:)
منورااااااني

طالبة مقهورة ..درجة أولى said...

عاوز اصحى

اها اعرفه ..معتز بس مش بشوفه كتير

لا طبعااااااااا وجهة نظر خطأ

طيب قولي انت لو حرقنا الكتب بتاع الفول والطعميه يجيب ورق منين يحط عليه الاكل
لا لا لا

لا اتفق معك ^_^

ملحوظة:جميلة اوي القصة

طالبة مقهورة ..درجة أولى said...

momken

الواحد مش ناقص ذنوب

انا هعترض لحد ما يغيروا المناهج او يلغوا التعليم :)

طالبة مقهورة ..درجة أولى said...

عمرو وائل

:)
ميرسي يا ابيه..اكيد انت مجرب زي كل الناس

طالبة مقهورة ..درجة أولى said...

بن الخطاب

لا لا لا يا اللهي

كله الا كي جي تو ديه..رجعني لكي جي وان معنديش مشاكل

^_^

نورتني

طالبة مقهورة ..درجة أولى said...

أحمد لو مخانتنيش الذاكرة
* * * * * * *
________
مارينا .. ملتقى العظماء .. انما عظماء في ايييييييييييه ؟

مش هقول
____

اقول انا اقول اقول انا عارفة والله ..بدأت احس ان مارينا ديه بتشيل كتير اوي ولسه ياما هتشيل

وبعدين انا مش زعلانة مالتعليم ده زي السكروز..امال انا عاوزة انتحر ليه

اقولك التعليم اصلا ده سياسة عليا..يعني بيعملوا كده عشان يخلونا ننسى همومنا ونمزمز ميرندا..او نموت نفسنا ونقلل الكثافة السكانية

لعلمك ليه فوايد كتير غير نضافة المخ بس انت ركز ^_^

ميرسي جدا نورتني ومدونتك هااااايلة

طالبة مقهورة ..درجة أولى said...

داليااااا


الحمد لله كويسة وانتي عاملة ايه بس :*

اه شوفتي ده انا كاتمة ف قلبي كتير وهوا اللي بيحصل فيا من شوية

خدي بالك من نفسك وطمنيني عليكي

طالبة مقهورة ..درجة أولى said...

تامر نبيل

اها كل الناس الكبار بيروحوا مارينا :)
ربنا يس ومنروحهاش زيهم ابدا ولا يكتبها علينا ^_^

طالبة مقهورة ..درجة أولى said...

Timo..

والله وانا كمان بحب مرورك وكومينتاتك جدا..بتعمل جو للموضوع وتحسها روشة ده ^_^

ان شاء الله هقول كل حاجة ..ومع اول قلم انت اللي سلطتني والكومينت شاهد عليك

ميرسي جدا ليك..بجد اخجلتني

طالبة مقهورة ..درجة أولى said...

حصان المرجيحة

ميرسي اوي اوي

اسف ع التقصير وعدم السؤال بس هفسر كل حاجة اخر الاسبوع ان شاء الله

لولا وزهراء said...

ههههههههههههههههههههههههه
بوست ممتع فوق الممتاز تسلم ايدك يا جميل ..هي مارينا كدة فين ؟
وانتِ داخلة ع ساحل زمهرير الشمالي
ههههههههههههه

لولا وزهراء said...

ههههههههههههههههههههههههه
بوست ممتع فوق الممتاز تسلم ايدك يا جميل ..هي مارينا كدة فين ؟
وانتِ داخلة ع ساحل زمهرير الشمالي
ههههههههههههه

ليله شتاء said...

السلام عليكم
ده الكذب طلع له فوائد ههههههههه
البوست جميل جداا

ELMOSTAFZ said...

اييييييييييييه...فكرتوني بالدراسة و ايام المدارس..تفو علي دي أيام

Hossam said...

بجد جامد اخر حاجة
عجبنى اوى اسلبوك
هو انتى فى سنة كام؟
بجد مدونة حلوة اوى

طالبة مقهورة ..درجة أولى said...

لولا وزهراء


مارينااااااا حد ما يعرفش مارينا..ده انتي ضايعة خالص ف الجغرافيا

منورة يا قمر :)

طالبة مقهورة ..درجة أولى said...

ليلة شتا

اهاااا طبعا شكلك مخدتيش بالك

طالبة مقهورة ..درجة أولى said...

ELMOSTAFZ


اهلا وسهلا بيك نورت..واهو تغيير شوية التاريخ مهم

طالبة مقهورة ..درجة أولى said...

Hossam

اهلا بيك يا حسام..

انا في 2 ثانوي

A32L MaGNoNa said...

ههههههههههههههه
بجد شكلك سكر
اسلوبك روعه بجد
معقولة ف ثانوية عامة ؟
بجد ماشاء الله عليكي وربنا يحميكي يارب
وبطلي كذب بقي :D
تقلي مروري ويارب نظل ع تواصل دايما

norahaty said...

ههههههههههههه
الله يوفقك وينجحك
يارب سبحان الله
طول عمرى
اسأل المادة دى الجغرافيا
لازمتها ايه للتلمووووذ المسكين يدرسوها للرحالة والمستكشفين لكن التلموووذ المسكين اللى عنده 10 او حتى 17سنة ياخدها ليه مش كفاية الاحياء والحساب
ربنا يوفقك وينجحك يارب
وترررررررررجعى بسرعة

norahaty said...

كلامك سكرررررر
حأنصح الناس تبطل
تحلى الشاى ويجوا
يحلوه بكلامك:)

طالبة مقهورة ..درجة أولى said...

norahaty

هههههههههههههههه دمك زي السكر ربنا يخليكي يا عسلية

انا برضه بقول ملهاش لزمة المادة ديه..لما ابقى وزيرة تعليم او رئيس جمهورية العالم هبقى اشيلها كقرار اولي

إمرأه من ثلج said...

حبيبتى

امال تعملى اية لما تبقى خريجة تاريخ قاعدة4 سنين تدرسى فى ماضى كان وكنا بيعيشونا فى الوهم ان احنا الى عبرنا برليف وغيرة طيب والوقت احنا فين ولا حاجة

سعيدة حبيبتى بزيارتك ليا وان شاء الله
يدوم التواصل

مدونتك بجد جميلة زيك

طالبة مقهورة ..درجة أولى said...

امرأة من ثلج

ما ديه المشكلة اننا عايشين ف القرن الماضي..

مش عارف5ة هنصحى امتي

عفوا وع فكرة مش برد غير على اللي يستاهل واللي بيدخل دماغي فقط

Sara said...

دا انتي طلعتي رحمة على كدا مني D:
أنا بألف تأليف رهيب في المادة السخيفة دي و بجيب الدرجات النهائية برضو !
و اللي يشوف الخريطة بتاعتي يقول ازاي دي طالبة في الثانوي ؟؟ دي رسمة أولى حضانة ممكن تبقى أحسن منها __-__
باختصار انتِ أفضل حالاً مني هههه

الحمدلله اننا خلصنا من المادة دي
و من أرشيف سنة 70 اللي بندرسه فيها

و ربنا معاكي يا مقهورة