Tuesday, May 25, 2010

قبل التيستات ببعتلكوا ميرسيهات :)


مش عارفة احتمال تحدفوني بطماطم لو قلتلكوا اني لسه مبدأتش مذاكرة بجد وحقيقي

والامتحان كمان 12 يوم و5 ايام

واحتمال المجتهدين في الكليات يقولولي انتي بدأتي بدري!!!

وانا بحب اوي بتوع كليات عشان بيحسسوني اني مجتهدة ^_^

في الواقعععع لقد قررت يا اعزائي

ان اتبع منهج استاذ


مُنبه صاحب مدونه منبهات
و كيكي عووووو
و حسني (المستفز)
وهند (قلبي ليس للبيع)


واتوقف عن اللعب شوية واذاكر


ولكي اكون واقعية فانا على عكس كثير من الطلاب المصريين والحمد لله

اعلم ماذا كتب في المنهج بعض الشيء

لهذا مش همشي خالص يعني..احتمال اشقر عليكم من وقت للتاني


* * * * * * *

سبب كتابة البوست مش الرغي ده كله

ولأني منمتش وعايشة على النسكافيه البلاك من امبارح

فهقصر ومش هطول عليكوا

نرجع لموضوعنا..انا كنت عاوزة اذكر ناس كتير

أدين ليهم بالشكر

ومهما عملت مش هقدر اوفيهم حقهم هنا على بلوجر

يمكن هما ميعرفوش كم تأثيرهم فيا أو قد ايه

كلامهم او مجرد مرورهم بيعنيلي الكثير

انا واثقة اني هنسى اسامي كتير

بس اعذروني على صغر الميموري بتاعتي

ومن الناس دول ومش بالترتيب طبعا



عاوز اصحى ..صاحب مدونة(منبهات)


هند.. اللي قلبها مش للبيع


حسني.. (ElMOSTAFEZ)


رنيم..مبتسمة دائماً


هبة..همس الارواح..


أحمد (Winner)


الشوكة الناعمة


Timo


داليــــا


حصان المرجيحة


مــي (رحيق الورد)


أحمد(أقدم عاصمة في الحب)


والرائعة Tears


عمرو وائل


ليلة شتاء


لولا وزهراء


marmar


دعاء العطار


richardCatheart


منى سلامة صاحبة مدونة(شوية ورق)


امرأة من ثلج


هاجر صاحبة مدونة(مشاعر صنعت كلمات)


أ/عمرو فاروق


Soul .oOo. Whisper


فاروق بن النيل


Pink dreams


نعكشة


يوسف(ايديا ف جيوبي)


ريحانة الاسلام (سارة)


بـــــ الخطاب ــن


ستيتة حسب الله الحمش


فاتيما(روح قلب ماما)


شــــذا


وناس كتييييييييييير كتيييييييير اوي والله

يمكن ميعرفونيش حتى

ويمكن مخدوش بالهم من اللي عملوه معايا

ويمكن اصلا مش هيقروا الكلام ده

وفيه منهم سابوا بلوجر

بس مش مهم

المهم اني طلعت اللي جواياااااااااااااااا

ميرسي كمان كبييييييييييرة

بحجم البطيخة اللي بابا جبهالي

(مع اني مش بحب البطيخ)

لكل حد بيعدي من هنا ويقرا

ويبتسم ع الاقل من اي صورة او سطر يقراه عشوائي



والآن

فضيت لكتاب المدرسة العقيم اللي عاوز النسف والتفجير..





* * * * * * * *

ما معنى امتــــــــحان ؟؟؟؟

أ : أيام نكد وعــــــــذاب
م : مخ من المذاكــــــــره داب
ت : تعب وزهق واللى يقول غيره كده كـــــــــداب
ح : حاله نفسية هباب
ن : نرفزه وملل من الكـــــــــتاب


******

قمه الهدوء :
انك تقرا كتاب مش فاهمه


قمه التناحه :
انك تمتحن فيه

قمه النفاق :
انك تدعى للدكتور اللى مقررة

* * * * * * * * *



نحن قوم لا تهزنا رياح عاتية
فكيف تهزنا ورقة فيها
أجب عن الأسئلة الآتيه

*************

عروض الامتحانات قويه السنه دى ليه تشيل ماده لما ممــــــــــكن تشيل مادتين .. شيل واحده وخد التانيه هديه .. ليه تشيل لوحدك شيل انت وصحابك .. مع نظام افشل ناس اختار ثلاثه من اصحابك يشيلوا معاك


*******
بحبكوا في الله


27 comments:

عاوز اصحي said...

احنا بتوع الكليات بنبدأ مذاكره قبل الامتحان بأسبوعين فعلا
بس الثانويه العامه لا حرام عليكي .... انا عاوزك تاكلي الكتاب اكل
المره دي مش هتريقك عليكي ولا انكت علشان انا عارف يعني ايه ثانويه عامه
وهدعيلك من قلبي بجد لاني عارف زنقتك دي ربنا يوفقك يابنتي في الامتحانات وعاوزين نعرف النتيجه وتفرحينا كدا

تحياتي

داليـ ـ ـ ـ ـ ـ ــــا said...

هههههههههههههههه

ياخلاصى
وربنا نفسى ارجع اذاكر تانى شوقتينى يابنوته

وبعدين ازاى لسه مش ذاكرتى ازاى
تعرفى انتى لو معايا فى بيت واحد كنت عملت عليكى مس نظيمه

لا يارضوى بجد مينفعش كده
انتى تنسى مدونه خالص اليومين دول وتنسى اى حاجه وتحطى كل همك فى المزاكره وبس ولما تخلصى امتحانات ابقى اعملى كل الا انتى عايزاه

بدعيلك ربنا يوفقك انتى وكل المقهورين يارب

Tears said...

ايه يا رضوى بس هدى اعصابك...مالك زى ما تكونى بتودعينا كده

هو انتى ح تحاربى؟.....اول مرة اعرف انك فى المدرسة بس عموما الثانوية مش صعبه و لا حاجة زى ما بيروجوا انما المناهج حجمها كبير و عموما المهم تكونى محددة عايزة اى كلية لو كنتى فى اخر سنه

يلا روحى ركزى فى المذاكرة و ربنا يوفقك :)

أع ـقل مـ ج ـنـونــة said...

ربنا معاااااااااااااااكي
ركزي بس وجددي نيتك وتوكلي علي الله

احبك اللذي احببتنا فيه
" مع ان اسمي مش ف النص :D "
بس عن جد بحبك ف الله :)

Timo.. said...

يا دودي..يا دودي...
ايوا ده اسمك الجديد اللي انا اطلقته عليكي :)
كللللل الناس بتقولك ذاكري ذاكري انما انا....موش ها اقولك ذاكري لاني متاكد من قدراتك ولاني كمان مقتنع بان المذاكرة عمرها ما كانت(كم) لكنها ديما (نص) كم (';')

فا خدي الموضوع بهدوء وفي نفس الوقت تركيز لان ساعة بتركيز اهم من المذاكرة يوم بدون تركيز..

ان شاء الله نطمن عليكي يا قمر..

Timo.. said...

آآآآ...
نسيت اقولك..
ميرسي يا قمر اني باشكل حاجة مهمة في حياتك بجد..
انا خوفت اتوقع اسمي في الاسماء وانا في نص البوست لحسن اتوقع ومش الاقية فا قلبي يقف..
وكملت بهدوء.. وفوجئت اني فعلا موجود وسطيهم..
فا ميرسي للمفاجأة الحلوة دي (';')

Ms3a_miso said...

بصي يا ابلتي ... عشان انتي نرفزتيني بقا .. انا في كلية يتعمل فيها مدونات وكنت حترفد كذا مرة من الكلية بتاعتي عشان اللي بكتبه ...
انا بقالي 15 يوم بسلم في مشاريع عمارة ولاند سكيب وحاجات بتطير زي العصافير لحد ما وزني ما بقى 15 كيلو بقيت زي القلم الرصاصة وانتي جاية في اخر الخط وتقولي انك مخنوقة من التعليم .. امال انا اقول ايييييييييييييه

تحيات مواطن تحت الارض .. فنون جميلة عمارة
لعلمك احنا في كليتنا مزاكرتها 12 % بس بس بنطحن تسليمات وشغل هندسي .. انا لو شفت السرير حاخده بالحضن واقوله تعالا يا حبيبي في حضن ابوك

ليله شتاء said...

السلام عليكم
أولا مرسي ياقمر كلك زوق ورقة على كلامك الجميل
ربنا يوفقك وتمتحني على خير النتيجة تكون بتفوق ان شاء الله
مبسطوة جداا من البوست لأنى حسيت انك الحمد لله بخير وأحسن من الأول يارب دائما يملئ أيامك بكل الفرح والسرور



كلمة على جنب
حاولى تقليلي من النسكافية البلاك
أنا عارفة أن فى معارك مع الكتاب لايستطيع قهرها الا النسكافية البلاك ههههههه
لكن حاولى

أحبك الله الذى أحببتنا فيه

richardCatheart said...

هههههههههههههه
انت متاكده بالشكل دا هاتذكرى
دانت محبطه من قبل ماتبدى

ياستى طفى دماغك وتاكدى وقت وهايعدى
ربنا معاكى يارب
ونسمع اخبار حلاوه طحنيه

ومافيش بنا شكر دا اقل واجب لحد جميل زيك يا رودى

تحياتى ودعاواتى

اقدم عاصمه فى الحب said...

السلام عليكم

مذاكره ايه وبتاع ايه
فكك فكك فكك
احنا اللى بنقعد على الشلته وبننجح فلته
تصدقى انى عمرى ما ذكرت ولا حتى فى الثانويه العامه كان حضورى فى الدروس والمدرسه هو اللى بيخلينى أنجح وكمان ادخل كليه تجاره
قدرات بقه .. ههههه
بس لما دخلت كليه التجاره ولقيت حاجه اسمها محاسبه ما حدش بيعرف يشرحها اد كده وانا اساسا مش بحضر محضرات فـ لجأت للمذاكره .. أثقل الاشياء على قلبى
زى الشغل كده
مش بحب الشغل وبجتهد فيه ومش بحب المذاكره وكمان بجتهد فيها

ربنا يستر علينا جميعا
ونشوفك وانتى بتحققى اكبر احلامك
نصيحه اخويه بقه :- عليكى بالسمك ( سمك البحر مش البلطى ) لانه بيقوى الذاكره وبيذيد عدد خلايا الذكاء
ويا رب تنجح يا تتح:)

ابو فارس said...

السلام عليكم
اولا ممكن تسمحيلي بالمرور؟
ثانيا ركزي في المود التي تحسي انها صعبه عليك .
وان شاء الله من الاوائل
تحياتي

ELMOSTAFZ said...

يا سلام...هوا في زي ثانوي و أيام ثانوي...
الهي لا يرجعها..ربنا يابنتي يكون ف عونك و عوننا كلنا و علي كل حال انا رجعت ف قراري جزئيا و كتبت بوست ع الماشي كده مقدرتش امسك نفسي بصراحة خصوصا ان القعدة ف سجن المذاكرة ده كئيبة ولازم الواحد يفرفش حبتين تلاتة تسعة كده...
أنا بدأت مذاكرة من شهر و بردوا مش فااااااااااااااهم حاجة...
لكي تحياتي و دعواتي...

الشـوكة الــنـاعـمـة said...

بصى انا من رايي ماتحمليش دماغك
فوق طاقتها
اهدى ولما تحسى ان نفسيتك تتقبل العكننه ذاكرى
بصى مش عارفه انصحك فى الموضوع ده
لانى طول دراستى ماكنتش بخنق نفسى وعشان ربنا حاسس بيا
كنت لما انام احلم بامتحانات والاسئله ولما اروح الامتحان الاقيه زى اللى شوفته انا ونايمه
اه والله
مرسيه يادودو على ذوقك
ماكنتش اتوقع انى باجى على بال حد اصلا
انا بحبك اوى يا دودا

Dody said...

يااااااااااه رجعتينى لذكريات ايام ثانوى والمذاكرة وجو الامتحانات وتهيسها
ربنا معاكى يا جميله وشدى حيلك فى المذاكرة وبلاش نسكافيه بلاك كتير :):)

شفـقــة و إحســــان said...

ربنا معاكى بس لازم تذاكرى وكفاية دلع
دمك شربات شكلك من الطالبات المشاغبات
ربنا يوفقك

ســـهــــر said...

ربنا معاكى
وروحى زااااااااااااااااااكرى
انسى المدونة لحد متخلصى امتحانات يا بنوته عشان تجيبى مجموع اددددد كدهون
ونفرح بيكى كلنا ونعملك حفلة كبيرة فى بلوجر :)

ربنا معاكى انتى وكل اللى بيمتحنو يارب

star in the sky said...

لا لا لا لا لا لا

ازاى بقى تنسى اسمى


استنى اروح اعيط واجى شوية


سيبك من النت ده مش هينفك
قومى ذاكرى
انا مش عارفة ازاى سايبن لغاية دلوقتى النت شغال

اكيد بعد الكلميتن دول هتقولى البت دى متاجيش البلوج هنا تانى
ههههههههههههههههه

بهزر معاكى
احمدى ربنا
لسة مش بذاكر فى اليوم يدوبك ساعة وكمان مش بفتكر اللى ذاكراته

ربنا يكرررررمك

سلام وابقى طمنيى على النتيجة
الا صحيح انتى فى ايه
جامعة ولا ثانوية عامة
مع انها متجيش ثانوية عامة خااالص

يلا كفايانى رغى بقى
سلام بالموز

sun of free dom said...

انا خلاص خلصت اولى ثانوى
وبصراحة اجازة مملة
ولعلمك لو حبيتى المادة حتحبك وهتعرفى تذاكريها مع ان كلنا عارفين ان بدية الذاكرة ملل ونوم
بس ربنا يوفقك وتيجيبى اعلى الدرجات

modcena said...

السلام عليكم

طبعا من اصعب ايام عمرى ايام الثانوية بس الواحد بيفنكرها ويبتسم مش لانها حلوة لكن لانهاانتهت والحمد لله

ويا رب انتى كمان تخلصى منها على خير وبالمجموع اللى يرضيكى ويرضى اهلك قبل منك

بالنجاح والتوفيق ان شاء الله

زهرة said...

رضوى .. متخيلاكى حتة سكر صغنونة ..حتة سكر مسكرة

كلامك دمة خفيف أوى

ويا أوختشى بتوع الكليات والله ساعات بيزاكروا الايام اللى قبل المادة ببببببببببس

منا اهو إمتحانى بعد اسبوع .. وفية كتب لسه جديدة كح كح

ربنا يستر

هدعى لك .. وإدعى لى :)

فاروق بن النيل said...

الفتاة المقهورة .......
ربنا يوفقك وعلى فكرة أنا كنت زيك بالضبط مابذاكرش إلا ليلة الإمتحان وأراجع مرة واحدة ومرة تانية الملخص الصبح بدرى ودمتم وكانت النتيجة طبعا زفت " هـهـهـهـهـهـهـهـهـهـه "
شكرا إنك ذكرتى إسمى ضمن الباقة الجميلة وعلى فكره لو قرأتى قصائدى الأخيرة كنتى نسيتى كل الأسماء دى وماإفتكرتيش إلا " فتاة مقهورة جدا"
هـهـهـهـهـهـهـهـهـهـهـهـهـهـهــها"
"فاض الكيل" و " قدساه لاتنتظرينى "
و " راحت إلى غرفة الإنعاش" و " إفتح معبرى ياأفاق" وشكرا لك

فاروق بن النيل said...

الإبنة الذكية المقهورة نص ونص " رضوى"
ربنا يوفقك وركزى كويس بالإمتحانات والنتيجة إن شاء الله كما تتمنيها الكلية " آداب " إن شاء الله يالا عشان الأدب فضلوه عن العلم شكرا لك

كيكى عوووووو said...

فعلا فعلا عايزاكى تخدينى قدوة
انتى عارفة بذاكر امتى
ع بليل يوم ليله الامتحاان
ع الساعه 3 كدة وابص للكتاب واقوله
ياترى فيك ايه؟؟!!
************
وقبل ما انزل اغنى ياصباح الخير يلا معانا واقلى طعميه
اه والله طقوس بقى
**********
عارفة اهم حاجه ايه بجدظ؟
انك ماتخفيش واوعى تقلقى القلق ده رهيييييييب
ربنا معاكى يااااااارب ويوفقك
عوووووووووو

samy said...

طالبة ان شاء اللة غير مقهرة

هتذكرى وتجوبى بكل عزيمة

(:

انا اسف جدا على تأخرى على متابعة المدونة

ممكن يكون الكومنت دة وسط امتحاناتك ودة الأكيد

ربنا يوفقك ويكون معاكى

تقبلى مرورى وأعتذارى

MR.PRESIDENT said...

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك
شدي حيلك وربنا يوفقك

♥♥ شذا ♥ الروح ♥♥ said...

حبيبتى واحشتينى اوووى يارب تكونى بخير

شدى حيلك كده
وبتمنالك التوفيق من اعماق قلبى

وخلى بالك من نفسك

انتى حد جميل اوووى بحترمه

♥♥ شذا ♥ الروح ♥♥ said...

تسلميلى يارب من كل شر انك فاكرانى مع الناس الجميله دى

ودى اجمل شهاده اعتز بيها من اختى الصغيره

احبك فى الله
امووووووووووووووووووووووووووواه