Monday, June 14, 2010

تفشي ظاهرة البصل...


أعزائي المدونين والمدونات..كح كح

عفواً

معكم من قلب الحدث محدثتكم


تنقل لكم حالة الهيستريا البشعة


التي طرأت على جميع مدارس الثانوية


مسببة بذلك حالة بكاء هستيرية للطلاب


او حالة ضحك مستعصية لا يمكن ايقافها


فيبدوا أن البصل تفشي في البلاد وبين العباد


فاصبحت الشوارع سيول من البكاء لم ارها في حياتي


وبرغم من ذلك وقفت في وسط الجموع الهائلة


لنقل هذا التقرير الاستثنائي


ومن الاشاعات التي صدرت من احد المارة عن هذا النويح..


هي ان الريس _اطال الله في عمره كمان وكمان _مات الله يرحمه


ولهذا بكى الشعب كما لم يبكي بوفاة عبد الناصر والسادات


لذا يا اعزائي....


متصدقوش اللي قالوا ان الامتحان صعب..


فهذه سيمفونية الثانوية ..


و علت اصوات توسلات الطلبة البائسين وأهاليهم الطيبين


موجهين كلامهم للثانوية العامية


اللهي ربنا يرجعلك نظرك ما تعملي ف العيال كده


ربنا يطول في عمرك وما يلغوكي ابدا..


وعندما التقينا مع احد الطلاب ابرز تفاؤله تجاه الامتحان قائلاً


انجليزي ده يا مرسي؟؟؟؟؟؟هع


وطالبة أخرى قالت:

انا اول مرة اعرف اننا بنمتحن هيلوغريفي
عااااااااا



اعزائي المدونين...

انا من هذه المدونة اناشد سيادة الريس

انه يوقف زراعة البصل اللي سبب سيول من الدمع

جوا المدرسة وفي مربع المدارس كله

ويحل الخيار محل البصل

وهكذا يجعل من اغنية الخيار نشيد وطني في المدارس

حتى يتوقف مس الجنون الذي اصاب الطلبة واولياء الامور

عاااااااااااااااااااااااااا




كانت معكم...من أمام باب مدرستنا



طالبة مقهورة


24 ساعة للأخبار الاكسكلوسف


القااااااهرة





_________
ملحوظة: شكرا على سؤالكوا واعتذر عن عدم الرد على البوست اللي فات حتى الان..


ملحوظة تانية
..وحشتوني جدا كلكوا :)




66 comments:

Ramy said...

يعنى نقول حمدالله على السلامة من الأمتحانات

ولا لسه فى تانى (:

اصلى انا عقبالك كدة خلصت علام من زمان (:
فمش متابع اخبار المجاهدين فى الثانوية الهامة انا قاصد الهامة دى(:

لو لسة ربنا يوفقك وتنجحو كلكم بأذن الله

راء said...

لا يا سااااامي

ده لسه بدري اوي

ده كان تاني امتحان بس :)

والحمد لله انقذنا ما امكن انقاذه..

شكرا ليك جدا ع المرور والمتابعة

Ramy said...

يبقى ربنا يسهلكوا فى باقى الأمتحانات ويقدروا يمنعوا زراعة البصل اليومين دووول (:

بالتوفيق والنجاح

Tears said...

بذمتك يا مؤمنه لو ما كانتش طلعت اشاعه و كان بجد كان حد ح يعيط؟

راء said...

ربنا يخليك يا سام

يااااااريت احسن العياط ده عدوى

راء said...

تيرز

هههههههههههههه...لا والله مكنش هيحصل

ولو حتى اشاعة خلينا نشم نفسنا شوية

♥♥ شذا ♥ الروح ♥♥ said...

بسم الله الرحمن الرحيم

الأجابه
(( محمد حماقى ))

هههههههههههههههههه

والله العظيم وحشتينى جامد يا أرق بنوتايه بالدنيا كلها
أخبارك ايه بجد بجد مفتقداكى

♥♥ شذا ♥ الروح ♥♥ said...

نيجى بقا للبوست

بصراحه خلتينى ضحكت بطريقه صعبه اووى
ربنا يسعدك يارب ويوفقك كمان وكمان

قلبى معاكى اتجدعنى وشدى حيلك

ربنا يا بنتى مش يخسر ليكى تعب وهدعليك من قلبى والله
خلى بالك من نفسك

وابقى طمنينى عليكى

أحبك فى الله
امووووواه

sara draz said...

هههههههههههههههههههههههههههههههههههههههههههههههههههههههههههههههههه
عععععععععععععععععععععععععع
يا حلاوة يا واد انت يا جامد
واضح انكم كنتم بتحرروا فلسطين
ايه اللى جرالكم يا بنتى
العيال اتحولواااااااا
ههههههههههههههههههههه
انا جايلى هستريا ضوحك من اللى انتى كاتباه
ال بصل ال
هههههههههههههههههههههههههههههههه
المهم انتى عملتى ايه
بصل ولا خيار
قصدى
سبع ولا ضبع

أنا - الريس said...

يا جدعان علي الموت مبارك امين
لكن
العيال ذنبها ايه تتعقد
الاهالي هما اللي بيهولوا الموضوع
-------------
الامتحان علي الجميع
وربنا يوفقك

العلم نور said...

عظم الله أجركم .. فرحنا أوي .. قصدي زعلنا أوي

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

R-H-S said...

طيب ايه الاخبار انا سمعت ان الامتحان كان سهل وفي متناول ايد العيان
قصدي متناول عقل الطالب
صحن ولا غطا ؟
وبالتوفيق يا روضا

داليـ ـ ـ ـ ـ ـ ــــا said...

اجدعنى يارضوى

وشدى حيلك كده

عايزين نجاح بتفوق

مش نجاح وبس

عشان يبقا طعمه لذيذ

تحياتى ياأحلا رضوى

راء said...

شذا الروح

ههههههههههه لا ده طلع عمرو ديااااب شوفتي اهم ضحكوا عليكي وهيا ديه الخدعة

ربنا يخليكي يا شذا بلوجر كله واحشني..

وعندك حق ربنا مش بيضيع تعب حد الحمد لله :)

راء said...

سيروووووووز

هعهعهعهعهعهعهعهعععع
انه تفاؤل نادر يا اختيتي

انا..احم احم

نسر ..زي ما جالنا ف الترانسيليشن

^_^

راء said...

سيدي الرئيس

وحضرات المستشارين :)..ويلكم بحضرتك في المدونة نورتها لتاني مرة

فعلا والله الاهالي كانوا يصعبوا على اي حد النهارده..هما لالي تعبوا زينا واكتر

ميرسي ليك

راء said...

أم الخلود

اشكرك جدا..وتم وضع الحملة والرابط

راء said...

استاذ مونبه اللي اخد الاجازة النهارده


هههههههههههه..ضحكتني يا اخي وهوا انا ناقصة اصلا..انا خلاص لسعت بحق وحقيقي

ومتسألش السؤال دخ عشان انا بتكثف بقى يوه^_^

ميرسي يا مونبهي

راء said...

داليا

اهو بحاول يا دودي..ربنا يسهل

ان شاء الله يبقى طعمه جميل ولذيذ جدا ربنا يسهل

زى الهوا said...

pleassssssssssse

عايزه اشوف الامتحان

او اعرف اسئلته

بلللللللللليز

:)

زى الهوا said...

صورى بالكاميرا بتاعت الموبايل او بأى حاجة

هينفع؟

راء said...

من عونيا يا ميس :)

..الورقة كانت متنية بس الكلام تقريبا كويس

http://i48.tinypic.com/2enagzk.jpg

http://i47.tinypic.com/2aetiep.jpg

http://i47.tinypic.com/s3n3up.jpg

http://i47.tinypic.com/2hzshvq.jpg

richardCatheart said...

ريس ريس مين ياحبى

دا عملها من ضمن اهم تلات وسائل تعذيب فى مصر

وزاره الهدوم الدخليه
اللى بقت بتقلع الناس فى الاقسام والشوارع

والخوازيق لامؤخزه

والثانويه العامشه


ربنا معاكى ويسترها عليكى
يمكن تلاقى الفانوس السحرى وتحلى الوزه
سورى قصدى الازمه

ربنا ينتقم منهم ياااااااااااااااارب

زى الهوا said...

ميرسى جداااااااااااااااااا

لو شاكه ف اى اجابه

قولى



:)

زى الهوا said...

الامتحان حلو جدا

فيما عدا

القطعه والترجمه

بس الباقى زى الفل

وطالما القطعه والترجمه وحشه ع الكل ماتقلقيش

Tears said...

شوفى يا رضوى انا بجد مش عارفه اقولك ايه بس انا حملت اربع صفحات امتحان الانجليزى و قريته كلمة كلمة بالذات بعد ما شفت انهيار الطلبة فى التلفزيون

هو من الواضح ان التعليم خربان فى مصر لان لو الطلبة حسوا ان ده صعب على ثانوي يبقى المدارس دى كانت بتهرج و الطلبة ضحية ليهم

اكيد طلبة مدارس اللغات كانوا فرحانين بيه لان عندهم ده مستوى اولي اعدادى بالكتير لو نظام مصرى لغات لكن لو نظام بريطانى ح يبقى اقل فيما عدا جزء الترجمة لان ده اصلا مش فى المناهج الاجنبية

بس بجد انا متعاطفة مع الطلبة اوى و انشاء الله تنجحوا ولو عايزة اى مساعدة فى الانجليزي بلغينى

ربنا معاكى يا بنتى

العلم نور said...

بارك الله فيك غاليتي على هذه الخطوة وجعلها الله في ميزان حسناتك

وربنا يوفقك ويكرمك آمين

Unknown said...

ربنا معاكي...
لسة مخلص امتحاناتي النهاردة شوفت البوست ده اتنكدت...
متخافيش من هنا لحد ما تظهر النتيجة هتلاقيني بقشر بصل معاكوا ، بس النتيجة تظهر...
ربنا يعينك و يوفقك...

راء said...

قلب القطة...

ههههههههههه عندك حق يابنتي ولو انه اصلا ملوش لزمة..كيس جوافة بعيد عنك

نفسي يطلع ف يوم ويدلي بتصريح كده يهزني يحسسني ان فيه رئيس لمصر..ببس ابتااااً

وبعدين لو لقيت ميت فانوس مش هيحصل تغيير

راء said...

زي الهوا

عفوا مفيش حاجة عادي يعني

انا الحمد لله على قد ما راجعت مبسوطة من حلي..والترجمة والقطعة كانوا كويسين معايا الحمد لله

ميرسي يا ميث :)

راء said...

Tears

انا هخليني صريحة معاكي جداً..برغم اني لو قلت الكلام ده كتير هيهاجموني..

الامتحان ميستاهلش البروباجاندا والدوشة اللي اتعملت عليه..هوا مكنش صعب للدرجة يعني.. بس مش محتاج مذاكرة يوم وليلة..ولا مذاكرة منهج الحكومة العقيم بس..لأن ديه لغة يعني لازم يكون فيه وسايل تانية لتطويرها ومش هتقتصر ع المنهج وسلام عليكوا

اللي كانوا بيعيطوا دول ومنهارين مشكلتهم انهم مش متأسسين صح ..تخيلي ان فيه ناس حلت الترانسيليشن كلها وسابوا كلمة نسر عشان مش عارفينها؟؟؟؟؟؟

ومدارس اللغات كمان فيه ناس اعرفهم اشتكوا من الامتحان...

بس انتي حتى لو حليتي كويس وشوفتي كم الانهيارات ف اللجان والمدرسة هتتعبي وهتحسي انه صعب

عامة اللي حصل حصل

وربنا يخليكي يا تيرز لو عزت حاجة هبقى اسألك..:)

راء said...

أم الخلود :)

بجد مبادرة حلوة وانا معاكي فيها ان شاء الله..

نورتي تاني

راء said...

المستفز

ههههههههههه..حمد الله ع السلامة

مفيش حاجة تستاهل متعملش ف نفسيتك كده ^_^

زى الهوا said...

العفو ياجميل

حاولى على اد ما تقدرى ما تتأثريش باللجنه وكلام اللى حواليكى ان الامتحان صعب وحركات الانهيار اللى العيال بيعملوها

وبعدين ما تنخدعيش فى كلام صحابك كمان

انا ياما كنت باخرج من اللجان الاقى صحابى منهارين وبعد كده الاقيهم مقفلين الماده
وفى ولاد كتير من اللى بيعيطوا دول زعلانين على نص درجة او درجة , كانوا مستنين انهم يقفلوا النهائى

ربنا يوفقك , ويارب اسمع مجموع كبيرررررررررررر , والاقيكى ف مدونتك مصوره الوزير وهوه جاى بيتك يهنيكى

:)


:)

modcena said...

السلام عليكم
جميلة جدا كالعادة بروحك الحلوة
بصراحة حتى فى اصعب الامتحانات كان فى ناس بتنجح وبتقفل الامتحان بالعربى

وفى اسهل الامتحانات برضو فى ناس تخرج تعيط المشكلة مش فى الامتحان المشكلة فى مصيرية الموقف

ربنا يوفقك وينجحك يا رب
اجمل حاجة ان مفيش عندك اعلان قبل وبعد الفقرة الاخبارية عن الامتحانات
تحياتى.

حصان المرجيحة said...

ربنا معاكي و مع كل اللي بيمتحنو
و يمكن ده دعاء من مريض لعل الله يستجيب
بالتوفيق

أحمد زاهر said...

ربنا معاكوا
كان الله فى العون

Lady E said...

كلنا طلاب مقهورين يا طالبة مقهورة

ربنا معاكي يا قمرايا في الثانوية العامية ومع كل اللي بيمتحنوا ثانوية عامية او كليات زي حالاتي

عجبتني مدونتك واول زيارة وان شاء الله مش هتكون الاخيرة

Anonymous said...

بت يارضوى بلاش دلع
انتوا ها تتبلوا ع الثانويه
دى ست سمعتها زى الالماظ
اه يابلد
شدى حيلك عاوزه ازغرت لك
وحشانى

راء said...

زي الهوا...

ربنا يخليكي ليا يارب ويسعدك :)

فعلا كلامك صح ملياااار في الميه وانا جربته وعرفت شغل داري على شمعتك ده ^_^

بس للاسف امنية الوزير مش هتتحقق..مظنش يعني

راء said...

modcena

تعرف انك بجد جبت لب الموضوع

يعني انا خرجت من اسهل امتحان وعندي اكتئاب شديد واحباط مزمن..برغم اني مش عكيت كتير لكن هيا فعلا رهبة الموقف

ميرسي جدا ليك :)

راء said...

حصان المرجيحة

الف مليار سلامة عليك معلش مطمنتش عليك بقالي كتير..بس انت عارف الظروف..ربنا يشفيك يارب وترجع زي الحصان :)

راء said...

بن الخطاب

يااااارب دعواتك معانا

راء said...

ليدي اي

كلنا في الهوا سوا مقاهير يا سيادنا ^_^

نورتيني وكل ما تيجي هتاخدي شوكولاته :)

راء said...

الشوكة الناعمة

ههههههههههه..انا معروف عني اني مفترية اصلا


وبتبل على طنطك ثانوية..فيه مشكلة!!!!!!

وانتي كمان وحشاني

وانا مش بعرف ازغرط..ابقي علميني

Dr. Mohammed Ali said...

موضوع جميل وظريف منك.
تقبل تحياتي ومروري

لــــ زهــــــراء ــــولا said...

ربنا معاكي يا دودو وتنجحي يارضوى يابنت حوا وادم نجاح باهر وبالتوفيق ياحبيبتي وياريت يبطلوا يعقدوا فينا ماله الفل مايزرعولنا فل
لولا

أتنين حبيبين said...

ههههههههههههههههههههههههه
اول زياره ليا

قلبى معاكى ياقمر
دمك ثكر وعثل

انا توتا وحبيبى حسام عملين مدونه جديده عاوزين تشجيعه امال
اتمنا تشرفينى

تحياتى
توتا

زهرة said...

الموضوع حلو أوى

وظريف خالص

انتى خلصتى امتحنات وانا لسه وااااااااااااء

بحقد عليكى بجد

راء said...

دكتور محمد علي

شكرا لمرور حضرتك نورت

راء said...

لولا وزهراء

ربنا يخليكي يارب يا حبيبتي بجد انتي عسولة جدا وربنا يسمع منك

راء said...

اتنين حبيبة

توتا ..لسه جاية من عندكوا ماشاء الله مدونتكوا عسولة :)

ان شاء الله متابعاكوا وعاوزة موضوعات جمدة كده

راء said...

زهرة..

انا لسه مخلصة يوم 26

هههههههههههه..حسدتيني قبل ما اخلص يا مفترية

ربنا معاكي

The illusionist said...

هو انتوا امتحاناتكم كانت صعبه

معلش معلش

هى الدنيا كده

الانجليزى يا مرسى ده مكنش واضح انو حلو

بس من الواضح حسب الوزير المبجل
اننا احنا اللى دايما غلط

وانا من سنتين لما فتحت المدونه
كنت بمتحن فى تالته ثانوى

كانت ايام لطيفه جدا

كانت ايامى السوده بتاع رياضه وفيزيا تالته ثانوى لما عيال انتحرت والذى منه
بس بصراحه
كده كده بيعدى اللى كان ناصح
كلو بيعيط
وكلو بيولول
وفى الاخر
ناس بتملى هندسات
وناس بتملى طب
وفى كتير منهم صيع
بس انجزوا نفسهم
غشوا وشافوا وسايط والحلاوه دى
فالانجليزى يا مرسى بتاعكم ده
اكيد كل شويه بنشوفه من ساعه ما دخلنا كليات
بس انا سمعت حاجه غريبه قوى
واحده فى التلفيزيون قالت والله حرام
الترجمه من بره المنهج
هو من امتى بيجيبوها من المنهج؟؟
جديده دى

The illusionist said...

نسيت اقولك
صباح القشطه عليكى
محسوبك طالب هندسه غصب عنه
وامتحن زيكم قبل كده

حـــــروف متــبعترة " عــمرو الشــايب said...

يا الله على الثانوية العامة
من يوم ما وعيت على الدنيا و عرفت امكس الجرنال و انا بشوف ان الثانويه العامة فيه انهيراات و بكاءات و لما دخلنا لثانوية العامة مش حسينا غير بفلتات بس ف الامتحانات و بالرغم من كدة هتلاقي امتحانات غريبة الى بيقولوا عليها بيجيبوا فيها درجات مية مية ولا فراخ جميعة سينية ههههههههههههههههه

جوجو said...

السلام عليكم
الحال من بعضه يابنتى والله انا كمان ثانوية عامة كانوا مطلعين عينا ربنا يخدهم عملتى ايه فى الانجليزى والتفاضل؟
ربنا يستر فى النتيجة ويعوضنا خير
تحياتى

راء said...

The illusionist


اهلا بيك يا باشمهندس..انا ان شاء الله ناوية على هندسة زيك

عامة الانجلش مكنش صعب اوي كده هوا شكله صادم بس ممكن يتحل..

والترجمة المقصود ان الكلمات اللي عاوزينها مش من المنهج

بس كانت تراكمية اكتر اظن

نورتني جدااااااااا واسفة على التأخير ظروف بقى

راء said...

عمرو وائل

اها عندك حق..بحسه تمثيل او ممكن تلاقي حد عامل دوشة على درجة ولا حاجة عبيطة كده

راء said...

جوجو

الحمد لله عملت كويس فيهم بس عكيت في غيرهم طبعا ^_^

حمد الله ع سلامتك من بعد الثانوية يا بنتي

richardCatheart said...

انت
فيييييييييييييييييييييييييين

يا رضوىىىىىىىىىىىىىىىىىىىى

يارب تكونى بخير

marmar said...

ههههههههههههههههههههه انتو امتى هتخلصو مدرسه بقى وصداع الثانويه العامه بتاعكم ده >>> وش بيغيظك ويطلعلك لسانه

Tamer Moghazy said...

انت فييييييييييين كللل ده...؟؟
يا ريت تطمنينا عليك في النتيجة :)

Anonymous said...

Tears انا هخليني صريحة معاكي جداً..برغم اني لو قلت الكلام ده كتير هيهاجموني.. الامتحان ميستاهلش البروباجاندا والدوشة اللي اتعملت عليه..هوا مكنش صعب للدرجة يعني.. بس مش محتاج مذاكرة يوم وليلة..ولا مذاكرة منهج الحكومة العقيم بس..لأن ديه لغة يعني لازم يكون فيه وسايل تانية لتطويرها ومش هتقتصر ع المنهج وسلام عليكوا اللي كانوا بيعيطوا دول ومنهارين مشكلتهم انهم مش متأسسين صح ..تخيلي ان فيه ناس حلت الترانسيليشن كلها وسابوا كلمة نسر عشان مش عارفينها؟؟؟؟؟؟ ومدارس اللغات كمان فيه ناس اعرفهم اشتكوا من الامتحان... بس انتي حتى لو حليتي كويس وشوفتي كم الانهيارات ف اللجان والمدرسة هتتعبي وهتحسي انه صعب عامة اللي حصل حصل وربنا يخليكي يا تيرز لو عزت حاجة هبقى اسألك..:)

شركة تنظيف بالجبيل said...


شركة المثالية لتنظيف المنازل

ندى ابراهيم said...

شركة تسليك مجارى بالنعيريه