Friday, May 14, 2010

مين...انا ...تاج؟؟


احم احم...دستور ياللي هنا
مش عارفة ليه حاسة ان فيه 6 هيدعوا عليا النهارده


زي ما انا هدعي على فاطمة (امرأة من ثلج)


مش هدعي كتير متخافيش متخافيش


بطريقة ما التاج عاجبني
والبوست المفروض انزله في مدونة
نظريات تحتاج إلى اثباتات


حيث أدون من اعماق اعماقي

بس زي بعضه بقى بما ان الدعوة جت هنا

نغير شوية من النوعية المقدمة ونعرض شوية أسرار

مع العلم انها مش اسرار قوية من اسراري

لأني استحالة اعرض حجات جوايا اوي




نبدأ الاجابة

السر رقم 1


شخصيتي..اعقد شخصية ممكن تقابلوها
بس مبتحاولش تحسس حد بكده
..بتضحك وتهزر..

وفجأة تلاقوها بتعيط من غير ما حد يلمسها..
شجاعة جدا..بس الخوف ماليها من جوا..
بتتكلم بثقة بس محدش بيشوف ان شفايفها بتترعش..

جريئة بس محتاجة حد يطمنها دايماً



السر 2

شخصية غير سطحية نهائياً
تحب تتعمق في كل اللي حواليها..

وعكس م الكل متخيل حياتي مش بتدور حوالين الدراسة ابدا


السر 3


يعتبر احد اهدافي ف الحياة ..
نفسي جداً ف يوم م الأيام اعمل كتاب يكون عليه اسمي ..



السر 4

أنا الجندي المجهول..
اللي معظم الاوقات بيفضل يساعد غيره يكون عظيم..
لكن هوا نفسه مبيتمناش العظمة ولا بينتظر الشكر



السر 5

حياتي بتتأثر بالحجات(العبيطة)
اخد على خاطري من حاجة عبيطة
بس بحاجة عبيطة برضه ممكن يصالحوني


السر 6

لولو انا عارفة اني كنت متغيرة شويات
بس بليز فورجيف مي :) اي لوف يو يا بينسل
ومقدرش اعيش من غيرك



اهدي بقى التاج ل 6 بس متدعوش عليا بليييييز

Tears

حصان المرجيحة

(Winner) أحمد

المستفز (حسني)

الشوكة الناعمة

مي رحيق الورد

..
وجاري التبليغ حالا


عاوزة اجابات نموذجية احسنلكوا بقى ^_^



41 comments:

Ahmed Fayez said...



أهلاً و سهلاً
عملتيها!
بالمناسبة .. أنا مابخافش من التيجان
مع إن ممكن السلطان يزعل

شكراً على التاج يا رضوى

و ربنا يستر

راء said...

احمد ^_^

ههههههههه..امال انا بخاف ليه منهم
تؤ تؤ لا تقلق ابتاً السلطان تبعنا

شكرا مقدما ع الاجابة ومستنياها بفارغ الصبر

Anonymous said...

انتوا متفقين حليا ولا ايه
ردوك تحفه شكلك حد جامد
هديه مقبوله ياستى
اه بالمناسبه بوست مبس نظيمه جامد اوى
وانا بقا كتبتلك فيه عصاره عذابى
وحشانى والله

Unknown said...

روحي يا شيخة منك لله :)
كنت ناوي أرد ع الكومنت بتاعك ف (ليلة سودة) الأول بس رجعت ف كلامي و قولت اما اشوف هدية ايه دي اللي بتقولي عليها...و ياريتني ما جيت...أجيبلك ستة منين أنا دا المدونين ال اعرفهم ميكملوش ستة تقريبا.... :) :)
أما اروح أدعي عليكي في الرد كمان...
تحياتي ليكي و بجد شكرا ع التاج :)

داليـ ـ ـ ـ ـ ـ ــــا said...

مبروك مبروك

على التاج

وعقبال تاج العريس هههههههههههه

Tamer Moghazy said...

عارفة يا رضوى...
اهو انا دلوقت بس مش مستغرب ..
عشان انا من اول ما جيت وعلقت عندك وانا قولت لك ان جواكي اكتر من اللي بيظهر بكتييير..
وانك على الرغم من سنك الصغير الا انك حد (كبير) من جواه في وقت كل الناس بتبان كبيرة من برة وهي (صغيرة) من جواها..
يارب اكون قدرت اوصل المعنى اللي عاوز اقوله..

حصان المرجيحة said...

اولا شكرا علي الهدية الرقيقة دي
و تتردلك في الافراح
هههههههههه
ربنا يديم التواصل
بجد شكرا ليكي

كيكى عوووووو said...

حياتي بتتأثر بالحجات(العبيطة)
اخد على خاطري من حاجة عبيطة
بس بحاجة عبيطة برضه ممكن يصالحوني
*************
انا بقى حاجات اقل كمان من العبيطة
!!!
بس ع فكرة التاااج دة قديم اوووووووى
دة اول تاج حلتوه فى حياتى من سنتان!!!
انا شكلى جيل قديم بقى

كيكى عوووووو said...

ومن تذوق مر التعليم المصري ساعة..

لتمنى البقاء في الجهل مدى العمر

...
جامدة اوى دى

مي said...

بنوتى الصغننة العفريتة اللى ودت ماما فى دااااااااااهية ياخواتى عالطعامة بس لما اشوفك
على فكرة دايما بتتحفينى لانك اكبر من سنك بكتيرررررررر

مقبول منك التاج ومتقلقيش جارى التنفيذ والاجابة يلا يابنتى زكاه عن نفسى
ربنا يخليكى ليا يا احلى بنوتة و وافرح بيكى ياااااااارب

اقدم عاصمه فى الحب said...

السلام عليكم

ازيك يا قمر
يا رب تكونى بخير

اسرارك جميله أوى
فيكي كتير مني على فكره
.
سعات لما حد بيحب حد هو ما شافهوش وراسمله صوره فى خياله
مش بيعرف يترجم اللى عاوز يقوله لحروف توصف مدى معزته ليه
.
كل اللى أقدر اقوله
ربنا يرزقك بالصحه والستر ومحبه الناس
وأظن ده منتهى أمنياتك علشان مش كل الناس عاوزه دول وبس..

ودى وأحترامى وأمنياتى بدوام الصداقه :)

R-H-S said...

أنا الجندي المجهول..
انتي اللي عاملين ليكي نصب تذكاري؟

ربنا يوفقك في كتابك اللي هيبقي عليه اسمك ان شاء الله

Tears said...

انتى طيبة اوى و كل الصفات دليل على طيبه قلبك

معلش اتاخرت فى الرد لانى كنت...و مازلت مشغولة اوى اليومين دول

اسمحى لى ارد عن الست اسرار هنا فى التعليقات

التاج وصلنى من عدة مدوينين بصراحة لكن كل مرة كنت بعلق دون ان احله ليس لانى لا اود البوح و لكن لانى اشعر ان شخصى المتواضع لا يهم احد و مدونتى تنشر مواضيع مختلفه لكن ليست لوصفى

خلينا فى الست اسرار

1
جوايا حزن كبير جدا لكن اللى بيشوفنى و بيبص للمظاهر بيفتكر غير كده

2
اللى بيشوفنى بيفتكرنى صغيرة لدرجة انى مرة كنت مرة داخلة من باب خلفى للجامعه كنت اول مرة اشوفه و لقيت الامن بيوقفنى و بيقولى ممنوع الدخول للطلبة و فوجىء الامن لما وريتهم الكارنية و عرفوا انى من هيئة التدريس و ده بيكرر فى حاجات كتير اوى مع انى طويلة...تصدقى فيه ولد عنده بالكتير اربعتاشر سنه كان بيعاكسنى و فاهمنى فى سنه
!

3
مش بشوف شكل الناس غير اول ساعه فقط بعدها صورتهم بتتكون عندى من كلامهم و افكارهم و عقلهم بمعنى انى ممكن اشوف حد جميل جدا لمجرد ان عقله جميل مع ان واقعيا ممكن شكله يكون مش كده

4
مش بدقق خالص فى ملامح الناس و بالتالى لو شفتهم تانى بعد المرة الاولى مش بعرفهم و الناس بتزعل و بتفتكر انى بتجاهلهم بس واقعيا انا مش ببص فى وش الناس بدقة لانى بعتبر ده انتهاك لخصوصيتهم و بالتالى بلقط الملامح بعد فترة من التعامل مش من اول مقابلة

5
بنسى اسامى الناس جدا و جايز ده بسبب انى بتعرف على طلبة كتير جدا و كل شوية بيتغيروا و بالتالى الخاصية بتاعه تذكر الاسماء فى راسى خربت
!

6
بتعصب جدا لو بتعامل مع حد يهمنى لكن ببقى هادية لو الشخص لا يهمنى و حتى و لو انفعلت فبيكون بهدوء نسبيا و بالتالى اللى اتعصب معاه جدا هو الاقرب الى نفسى

راء said...

الشوكة الناعمة

:)اها متفقين بالاجماع عندك مانع

خلاص هتلاقي كومينتي هناك برضه

نورتي وشكرا مقدما عالاجابة

راء said...

المستفز

ههههههههه ليه كده يا سحس
ده انا طيبة جدا..ده انا ملاك بس انت مش واخد بالك

شكرا ليك انت ع الاجابة مقدما

راء said...

داليا



هههههههههههههههه
ماشي يا ستي منوراني

راء said...

Timo

بجد بجد احرجتني بكلامك..لأنه وصلني اوووي
انا متشكرة ليك ع الكلام الرقيق ده
والشهادة اللي اعتز بيها من حد زيك

شكرا جدا

راء said...

حصان المرجيحة

عفوا ههههههههه وانت اللي اتدبست
اتصرف بقى ^_^

راء said...

كيكي عوووو

شكلك حساسة اوي عشان كده بتتأثري جدا بلالحجات الاقل م العبيطة

:)
بجد بجد نورتيني يا كيكي

راء said...

مي

مااااااامي ^_^
ربنا يخليكي يا ميوياااااا وع فكرة انتي هتبقي مامي تحفة ان شاء الله ف المستقبل

وبعدين متحسسنيش اني عاملة مصيبة كده ^_^ حلي التاج في صمت

راء said...

اقدم عاصمة ف الحب

فعلا والله انا بحب جدا المدونين اللي هنا وبحس اني بنتمي للمكان ده..

مفيش اي كلام يعبر مدي محبتي ليكوا كلكوا واي حد اسمه احمد لأني اخويا زي ما قلتلك قبل كده اسمه احمد :)

يارب يسعدك ويهنيك
اتمنالك كل خير

راء said...

عاوز اصحى

مووووووووووونبه ^_^
انت بتعمل ايه هنا انجر على الكتاب يواد انت..
جاي تضحك عليا..ايوه انا بتاعت النصب التذكاري

والله والله مفتقداك وبلوجر مضلم من غيرك ومنور بيا طبعا ^_^ ربنا يوفقك يارب وترجع بسراعة

راء said...

تيرز

انا فاهمة انك مشغولة ومتأخرتيش ولا اي حاجة :)

ياااااااااه اتصوري انا اول مرة ف حياتي اعرف انك معيدة!!!

3-4-5
شبهي جدا فيهم برضه بس انا مشكلة الاسماء اكبر لأنها فيا من وانا صغيرة لازم اتعامل مع حد كتير اوي عشان اسمه يثبت معايا وللأسف لو فضلت مدة مشوفش الحد ده ممكن انسى اسمه وده بيكسفني جدا لما حد بييجي يسلم عليا ف الشارع وابقى مش فاكرة اسمه ايه


بجد اجابات حلوة وعرفتني حجات جديدة عنك..بس هوا انتي معيدة ف كلية ايه ؟؟

نورتيني وشكرا ع الاجابة تعنيلي الكثير

Tears said...

اهلا رضوى

معلش مش عارفه اتواجد على النت كتير اليومين دول

تخصصى اقتصاد و لكن انا مش معيدة لان المعيد هو الحاصل على الباكالوريوس و حديث التخرج نسبيا اما انا فحصلت على الماجستير من تلت سنين

دراستى كلها من المدرسة للماستر أجنبية لانى مش عايشة فى مصر و لم ادرس فى الانظمة العربية


تحياتي

حـــــروف متــبعترة " عــمرو الشــايب said...

حلو كتير يا بت يا رضوى التاج دة و فعلا اسراك حلوة
بس انتي بكده طيبة جدا جدا جدا جدا

فاروق سحير ( فاروق بن النيل ) said...

مقهورة أفنديياية ...
أولا بمجرد إختيارك للأستاذة " الغالية تييرز" عرفت إنك فعلا صريحة وواضحة وصادقة تماما ومابتحبيش المجاملات ولا النفاق هية أول واحدة تستحق ذلك وأنا شخصيا لو ماختريتهاش أول واحدة كنت حازعل ولو ماخترتهاش خالص كنت حانفضلك خالص وشكرا على إختيارك أكيد الباقى يستحقوا بس والله " تييرز"
أقرب واحدة لى وأعرفها جيدا من خلال البلوجات ( المدونات ) ولم أراها أبدا وهذا أيضا ينطبق على جميع الأصدقاء والصديقات وشكرا لك أحييك بإحترام موش أشتمك .

راء said...

تيرز..

على فكرة انتي صدمتيني..تعرفي ان كتاباتك كللللها خلاتني واثقة انك كبيرة جدا ف السن وكمان عايشة ف مصر طول حياتك عشان تكتبي بالاحساس ده..

مش عارفة خمنت انك معيدة ليه بس بيتهيألي لايقة عليكي اكتر..

نورتيني جدا جدا جدا

راء said...

3mr wa2el

ربنا يخليك يارب يا عمورة..يعني اكيد فيه حتة شقاوة جوايا بداري بيها حجات كتير:)

ميرسي ليك

راء said...

فاروق ابن النيل

مفكرتش ف كده بس تيرز مجرد شخصية م الشخصيات اللي كانت غامضة نوعا ما ومتميزة بشكل مش متعودة الاقيه..هيا ف الواقع تاني واحدة اقابلها من النوع ده من الشخصيات المثقفة

اختياري ليها كان مجرد فضول واعجاب ليس الا :)

اشكرك جداااا يا استاذ فاروق

Tears said...

يا رضوى منين حسيتى انى كبيرة فى السن و منين معيدة؟يعنى ينفع؟

عموما انا فعلا كبيرة و درجتى الوظيفية و العلمية
اعلى من المعيد لانى

Instructor


أتمنى زوال القهر عنك و عن كل الطلبة

ليله شتاء said...

مبرووووك عليكى التاج ياقمر

Tarkieb said...

مبروك التاج والحمد لله انك ما تعرفيني كنت لبست التاج هههههههه

موجة said...

عرفت ان اسمك رضوووى
اسم جميل
مع ان البنت اللى اذتنى جامد فى شغلى اسمها رضوووى
بس ماعلينا
نخلينا فى التاج
بالنسبة للسر الاول
انصحك بعدم الخوف من اى حاجة عملتيها ولا قولتيها ولا تخافى من اى حد فى الدنيا ربنا خلقة
عارفة ليه
عشان حاجة وحده بس
محدش بياخد الروح الا اللى خلقها
يعنى مهما خفتى ومهما اللى ادامك هيضرك مش هيوصل انه ياخد روحك الا باذن الله

السر اللى عجبنى اووى ان انتى الجندى المجهوووول
احييكى
وتقبلى مرورى

admin said...

جميلة هاته التدوينة..

كنت هنا.. وأظن أنني سأبقى..

Selfmeaning said...

اسرارك فتنت على شخصيتك

الجميلة...حاسة انك طيبة لابعد الحدود

و فى النفس الوقت متحملة مسئولية اللى معاكى اوى

modcena said...

السلام عليكم
بجد مدونة جامدة جداااااا
مبروك طبعا على التاج

تحياتى

راء said...

تيرز

ليلة شتاء

تركيب

موجة

خالد

سيلف ميننج

شكرا جدااااا ليكوا كلكوا
لضيق وقتي اعتذر عن عدم الرد عليكم واحد واحد..مع اني بحب ارد وارغي كتير بس اعذروني

راء said...

محمود قلماوى

شكرا لحضرتك ونورتي فعلا

نسر الشرق said...

ده الكارت بتاعى ياريت تتصلى بيه
http://rabyhabebe.blogspot.com/
اسرارك دى انا عارفها كلها

نسر الشرق said...

هلا هلا هلا
http://rabyhabebe.blogspot.com/

Josh said...

اهلا رضوى معلش مش عارفه اتواجد على النت كتير اليومين دول تخصصى اقتصاد و لكن انا مش معيدة لان المعيد هو الحاصل على الباكالوريوس و حديث التخرج نسبيا اما انا فحصلت على الماجستير من تلت سنين دراستى كلها من المدرسة للماستر أجنبية لانى مش عايشة فى مصر و لم ادرس فى الانظمة العربية تحياتي